Иранскиот напад со ракети и дронови, кажа Халеви, „ќе добие одговор“.
Тој тоа го кажа за време на посета на воздухопловната база Неватим, која, според Израел, претрпела помали оштетувања во нападот.
Премиерот на Израел Бенјамин Нетанјаху се сретнал со највисоките функционери за да разговараат за можен одговор.
Портпаролот на Белата куќа Џон Кирби не сакаше да одговори дали Соединетите Американски Држави се известени за израелските планови за одговор.
„Ќе ги оставиме Израелците да разговараат за тоа. Ние не сме вклучени во нивниот процес на донесување одлуки за потенцијалниот одговор“, им кажа Кирби денес на новинарите.
