Средбата течеше мирно до 19 часот кога под чудни околности беше прекинат 15-минутниот молк во чест на 15-те загинати на железничката станица во Нови Сад на 1 ноември.
Во јавноста се појавија тврдења дека за комеморацијата на Трг Славија бил употребен таканаречен звучен топ, за што тврдат и некои опозициски партии. Набрзо МВР ги демантираше овие тврдења, а малку подоцна и српскиот претседател Александар Вучиќ во своето обраќање до медиумите.
Претседателот на Демократската партија, Срѓан Миливојевиќ, предупреди дека употребата на звучни топови е законски забранета во Србија уште во 2022 година.
„Протестот, на кој студентите и граѓаните мирно го изразија своето незадоволство и им оддадоа почит на жртвите, беше брутално прекинат со употреба на звучен топ – софистицирано оружје кое предизвикува болка, дезориентација, вртоглавица и може да доведе до трајно оштетување на слухот“, рече тој.
„Ја предупредив јавноста дека звучниот топ е незаконски набавен и дека негова евентуална употреба против граѓаните е злоупотреба на Законот за полиција. Денешните настани потврдуваат дека режимот е подготвен да употреби нелегално оружје за задушување на протестите“, додаде тој и најави дека веднаш ќе го информира светот за сѐ.
Koju ste tehnologiju koristili i sta je bio cilj ove intervencije?
Pustite ton naglas i odgledajte do kraja.
Ovo je strasno‼️ pic.twitter.com/pMUtz3kvB2— Alef Pendule (@alef_pendule) March 15, 2025
Информацијата за 56 повредени и 22 уапсени на новинарите им ја соопшти Вучиќ, наведувајќи дека нема сериозно повредени, сите кои го прекршиле законот ќе одговараат за прекршочни или кривични пријави.
Вучиќ ги наведе проценките на три агенции – дека на протестот имало меѓу 88 и 107 илјади луѓе, додека во прелиминарната анализа на организацијата Архив на јавни состаноци се тврди дека ги имало многу повеќе и дека по детална анализа ќе бидат објавени подетални податоци.
🇷🇸 Belgrade, the capital of Serbia, right now. pic.twitter.com/Oir4292B51
— Visioner (@visionergeo) March 15, 2025
Сите централни белградски улици беа преполни со луѓе во текот на денот, а официјалниот дел од собирот што го повикаа студентите во блокадата, кој формално започна пред Собранието на Србија околу 16 часот, беше преместен во Трг Славије, каде студентите во своите говори порачаа дека се борат „за вистинските вредности, транспарентност и одговорност“ на сите кои управуваат со нивната иднина.
Еден од студентите истакна дека барањата на студентското движење не се исполнети и дека доколку вака продолжи, тие ќе останат на улица, во блокади и ќе продолжат со својата борба.
Hundreds of thousands of people take to the streets of Belgrade in protest against Serbia’s president and government pic.twitter.com/gdwD1Pjktq
— Historic Vids (@historyinmemes) March 15, 2025
Вучиќ, пак, вечерта повторно тврдеше дека студентските барања се исполнети, но и дека е „секогаш подготвен“ да го провери својот легитимитет преку референдум или избори во рок од четири или пет месеци, „а можеби и за пократок период од три месеци“.
„Добро ја разбравме пораката, секој треба да ја разбере пораката кога ќе се соберат толку многу луѓе, од друга страна – се надевам дека некои ја разбраа пораката на мнозинството во Србија, дека граѓаните не сакаат обоени револуции, насилство и дека сакаат да ја сменат власта на избори“, изјави Вучиќ.
