„Најголем дел од патниците кои доаѓаат во Албанија се туристи кои одат на албанското крајбрежје за да го поминат својот летен одмор. И покрај големата фреквенција преминувањето на границата се одвива без задржување. Туристите кои доаѓаат се од Северна Македонија, но и од различни европски земји“, наведува ТВ Топ чанел.
Оценува дека за разлика од првите денови на месецов, од кога почна да функционира заедничко управување на граничните и царинските контроли со едно застанување, кога имаше подолго задржување, сега тоа е надминато што го потврдуваат и туристите.
Во последните 24 часа преку овој премин за влез на албанска територија регистрирани се 5.700 додека за излез 4.800 лица.
„На двете страни функционираат по три шалтери, што е доволно за да се справат со зголемениот бран на патници и возила. Од почетокот на овој месец на преминот регистрирани се над 100 илјади патници на влез во и излез од албанска територија“, наведува телевизијата.
