Тоа значи дека Израелците трупаат војска на границата, а светот е во исчекување на голема копнена операција во Газа. И премиерот Бенјамин Нетанјаху кажа дека воздушните напади на Газа се „само почетокот“.
Во овој момент само прашање на време е кога ќе почне копнената операција. Тоа најдобро го објасни поранешен владин службеник за Би-би-си.
„Израел е свесен дека во овој момент повеќе од кога било ја ужива меѓународната поддршка и дефинитивно ова е момент кој мора да го искористи“, кажал тој под услов за анонимност.
IDF artillery forces are now gathered near Gaza borders. Multiple reinforcements battalions arrived this evening.#IsraelPalestineWar #Gaza #Hamas #Israel #Palestine pic.twitter.com/MPqjdTjWdJ
— Geopolitics Report (@GeopoliticsRpt) October 9, 2023
Се претпоставува дека ИДФ имаат барем две недели за да го уништат Хамас и да ја претворат Газа во прав и пепел пред Вашингтон (единствената сила која му е на Израел важна) да ја спушти рампата.
„Ако Израел е решен сега да му зададе удар на Хамас, неизбежно е да почне опсежна копнена операција. Бројот на цивилните жртви само ќе расте“, кажал тој.
Во овие моменти главното прашање е што со израелските заложници кои се префрлени во Газа.
„Ако Хамас почне да убива заложници, ќе му го направиме она што светот им го направи на ИСИС и Ал каеда“, кажа поранешниот владин функционер.
Во текот на ноќта израелските воздушни сили срамнија со земја делови од Газа. Биле извршени преку 200 напади.
