недела, 21 април 2024

На академци од Идризово им давале пристапници за МПС пред да се вработат, тврди НСП

На часовите за обука на полициски службеници во Центарот за обука – Идризово административни службеници на МВР, на кандидатите им давале листи за пристапување кон Македонскиот полициски синдикат пред да имаат остварено работен однос, обвини денеска претседателот на Независниот синдикат на полицијата (НСП), Гоце Делчев.

Објавено на

часот

Сподели

Делчев го повика министерот за внатрешни работи, Панче Тошковски, да испрати внатрешна контрола, како и да го извести Основото јавно обвинителството (ОЈО), бидејќи, како што рече, на овој начин се прави штета на вработените во МВР.

„Тука има одговорност на лица кои се на раководни функции во МВР, кои дозволиле на дел од часовите слушателите да ги запознаваат со работата и програмата на Македонскиот полициски синдикат и им дале пристапници за пополнување, со што на денот кога ќе почнат со работа ја активираат таа пристапница и Македонскиот полициски синдикат за еден ден прави 500 членови“, изјави Делчев.

Тој рече дека во Центарот за обука – Идризово моментно има 80 кандидати за полициски службеници и оти таквиот начин на членство е пракса изминатите десет години.

„Дел од раководството изминативе три дена тоа непрекинато го прават со два тима, конкретно 80 слушатели се на курсот. Дел од обуката е запознавање на таканаречениот единствен Македонски полициски синдикат, кој изминативе десет години на овој начин ги направил тие 5.000 членови, кој за мене е криминален начин“, изјави Делчев.

ТОП ВЕСТИ

ПОСЛЕДНИ ВЕСТИ