Рома синоќа со 2-0 ја совлада Славија Прага во Лига Европа и на најдобар начин се загреа за дербито против Интер на „Џузепе Меаца“.
Жозе Мурињо е мајстор за психолошки игри, па тренерот на „волчицата“ уште вчера ја почна војната со „нероаѕурите“.
„Во недела ќе има дуел на две целосно различни екипи. Едната има два квалитетни тима и може да одмара играчи, има по двајца на секоја позиција, плус ќе имаат два дена повеќе одмор, па ќе можат да играат со голем интензитет. Другата екипа пак има многу тешкотии“ – порача „специјалниот“.
„Кога на крајот го видов Кристанте како лежи на тревата и се жали на повреда, паднав во очај. Сигурен сум дека мојот колега Симоне Инзаги не гледа драма кога ќе му се повреди играч, но за жал, за мене е драма кога ќе се повреди некој“.
„Денеска сакав да направам замена и од горе погледнав (Португалецот беше суспендиран и натпреварот со Славија го следеше од трибините) кои играчи се на загревање и таму беа Пагано, Писили, Жоао Коста, Керубини и Д’Алесио (сите од Примавера тимот)“.
