Македонија на 15. јануари го почнува настапот на Светското првенство, нашата група ја играме во Вараждин, а во неа сме со Унгарија, Холандија и Гвинеја.
За да ја поминеме првата фаза потребна ни е една победа, да бидеме меѓу првите три во групата, потоа ќе одиграме уште три меча во втората фаза.
„Голема благодарност до Македонски Телеком што осум годни соработуваме и ни остана верен партнер на РФМ. Благодарност и за нашите ракометари, стручниот штаб и целата јавност. Ги повикувам фановите да дојдат колку што е можно во поголем број во Хрватска и да ни дадат поддршка“, вели претседателот на РФМ, Живко Мукаетов.
„Прва желба ми е да останеме најмалку 12 дена, односно да ја минеме првата фаза. Лично за мене успех ќе биде ако забележиме најмалку три победи на ова Светско првенство. Тоа е моја лична желба“.
