Како што соопшти МНРНТ, на средбата била потврдена одличната и традиционално пријателска соработка меѓу двете земји, како на билатерално, така и на мултилатерално ниво. Двајцата министри разговарале за унапредување на односите во областите од заемен интерес, со посебен акцент на економската соработка и можностите за нејзино продлабочување, како во надворешно-трговскиот, така и во инвестицискиот сегмент.
„Во фокусот на средбата беше и Заедничката политичка декларација за основање на совет за соработка на високо ниво помеѓу владите на двете држави, која беше потпишана. Овој Совет ќе има за цел унапредување и интензивирање на соработката во сите области од заеднички интерес – на билатерално, регионално и глобално ниво“, се наведува во соопштението.
Министрите Муцунски и Фидан, се додава, ја реафирмирале и подготвеноста за продолжување на билатералната соработка во сите клучни области и ја потенцираа важноста на заедничките напори за унапредување на регионалната стабилност, економскиот развој и политичката соработка помеѓу двете земји.
