Полициски екипи извршиле увид на местото, а била повикана и Итна медицинска помош.
Според првичните информации од Основното јавно обвинителство (ОЈО) Велес, на местото на настанот била јавната обвинителка Анастасија Миланова. На телото на пронајдениот мртов 34-годишен маж, како што соопштуваат од ОЈО Велес, немало траги на насилство.
„Станува збор за велешанец роден 1990 година, а неговото тело лежело на земјена површина под мостот на скоро средина од должината на железната конструкција. Во првичните информации можам само да соопштам дека на телото на 34-годишниот маж нема траги на насилство ниту убодни рани“, вели Цветанка Богоевска, јавен обвинител за подрачјето на Велес.
Таа додава дека биле земени примероци од дополнителни траги на местото на настанот, како и друг вид материјал што ќе биде испратен во Одделот за форензички испитувања на Министерството за внатрешни работи во Скопје.
„Обвинителката Миланова веќе побара телото на починатиот маж да биде испратено на обдукција во Институт за судска медицина во Скопје“, додава Богоевска.
