Ушаков ова го кажа во видео порака објавена на Телеграм. „Во оваа фаза, имајќи го предвид нивниот потфат, нема да разговараме“, кажа Ушаков. Украинскиот напад на Курската област, најголемиот на Русија од Втората светска војна, почна на 6 август.
На прашањето дали тоа значи дека мировните предлози кои рускиот претседател Владимир Путин ги даде во јули повеќе не важат, Ушаков кажа дека не е така. „Не, тие не се повлечени. Но во овој момент, би било непримерно да се влегува во каков било преговарачки процес“, кажа Ушаков.
На прашањето колку долго Москва нема да преговара со Киев, Ушаков кажа: „Не знам, ќе зависи од ситуацијата, вклучувајќи ја таа на фронтот“.
Путин во јули кажа дека Русија ќе го прекине конфликтот во Украина само ако Киев се откаже од амбициите да влезе во НАТО и ако целосно ги предаде четирите региони кои Москва ги држи под контрола.
