Медијаторот Метју Нимиц
Со ова соопштение МНР ги демантираше информациите дека Метју Нимиц ќе понудел три предлози за решавање на спорот со Грција.
„Истовремено не постои никаква потврда, најава, одобрување или произнесување од наша страна за прифаќање на некој предлог“, се наведува во соопштението од МНР.
Во медиумите деновиве се појавија информации дека медијаторот Нимиц на средбите со преговарачите на 16 и 17 јануари во Њујорк на маса ќе изнесе три предлози за решение на спорот за името, а властите во двете земји би требало да се изјаснат за еден од предлозите.
