Основното сценарио претпоставува дека војната во Украина ќе заврши до крајот на 2025 година, додека негативното сценарио предвидува дека конфликтите ќе продолжат до средината на 2026 година, што значително ќе влијае на економската стабилност на земјата.
Според основното сценарио, БДП на Украина се очекува да порасне за четири отсто во 2024 година, додека инфлацијата ќе се зголеми на десет отсто поради фактори како што се растот на цените на храната и падот на вредноста на украинската гривна, пишува Киев индипендент.
За 2025 година, се прогнозира дека БДП на Украина ќе расте во опсег од 2,5 до 3,5 проценти, што ќе го одрази подобрениот енергетски капацитет и зголемените приходи поради намалувањето на ценовните притисоци.
Негативното сценарио предвидува подолга војна и подлабоки економски шокови во Украина, побавно економско закрепнување, повисока инфлација и фискален дефицит што ќе надмине 20 отсто до 2026 година.
На 21 декември ММФ го заврши својот шести преглед на Програмата во рамките на Проширениот механизам за финансирање на ЕФФ за Украина, одобрувајќи дополнителни 1,1 милијарда американски долари за Киев.
