Тука не се вози. Опасно е. Асфалтот жеже под нозете и „меко“ се гази. Само пожарникари и полицајци, а во нивна придружба и нашиот фоторепортер „по службена должност“ имаа можност да го видат овој пекол во огнената земја блиску до Пепелиште и на потегот од неколку километри пред Неготино.
Полицијата и пожарникарите остануваат тука, нашиот Роберт – Роко продолжи на друго место, по пат да „црпне“ бензин на бензинска пумпа и да купи и наполни вода. Во овие недојдии не смее да се остане без бензин и без вода. Со полн резервоар имаш шанса да избегаш, а водата го хидрира организмот и ги мие очите.
Без друго се може.
П.Џ.
