Поранешниот американски амбасадор во Македонија се радува заедно со Кире Лазаров
Тој заедно со капитенот Кире Лазаров, но и со другите членови на националниот тим, пееше македонски навивачки песни и се веселеше на успехот како да станува збор за американска репрезентација.
По славењето во „Ипсилон“, ракометарите се упатија во фан-зоната во Ниш, каде што ги чекаа околу 2.000 навивачи што немаа влезници за натпреварот, па средбата ја следеа од мензата на Електротехничкиот факултет во Ниш, која беше пренаменета да ги прифати сите фанови на македонската селекција. Еуфоричното расположение траеше до доцна во ноќта, се пееја македонски песни, навивачите се фотографираа со своите идоли, а „двете страни“ си ветија дека ќе се видат повторно во Белград, за истиот повод, веќе утре, нешто по 20 часот…
