Македонската ракометна репрезентација од денеска ги почна подготовките за Светското првенство кое ќе се игра во јануари.
„Среќни сме за почетокот на подготовките за Светското првенство кое го очекуваме со нетрпение. Имаме доволно време за подготовка и за одигрување на пријателски натпревари. Треба максимално да се спремиме за напорите и предизвиците кои не очекуваат во Хрватска. Се надевам дека се ќе помине во најдобар ред во овој период и подготвени ќе го дочекаме стартот на Светското првенство“, изјави голманот Никола Митревски.
Македонија своите натпревари ќе ги игра во Вараждин, ние сме во групата Д заедно со Унгарија, Холандија и Гвинеја. Првите три селекции одат во следната фаза која исто така се игра во Вараждин.
