Во првото коло ние бевме тие кои не успеавме да победиме поради гол на крајот, а сега тоа ни се врати и овојпат Македонија дојде до слично реми.
Нашиот најефикасен ракометар на овој меч со шест голови беше Марко Митев.
„Ова беше исклучително добар натпревар против искусен противник. Ни направија проблем со играта ‘седум на шест’, но бод си е бод. Имав ситна повреда на рамото, но успеав да се вратам. Конечно и нас нè посака среќата и освоивме бод. Очекувам борбена игра против Катар и одиме на победа. Навивачите и на оваа средба ни беше ‘ветар во грб’. Треба да се подготвиме за дуелот против Катар и одиме на триумф“, кажа Митев.
