На средбата, соопштија од МО, свечено во чин полковник биле унапредени двајца офицери на Aрмијата.
Министерот Мисајловски им се заблагодарил на вработените во министерството и во армијата за нивната соработка и посветеност во работата и им порачал дека и следната година продолжуваат заедно и сплотени да работата за уште подобра одбрана и посилна армија.
„Имаме одлична соработка изминативе шест месеци, покажуваме доверба и синергија заеднички да продолжиме успешно да работиме и во наредната година. Ви се заблагодарувам на сите вас за сето она што го направивте“, рекол министерот.
Генералот Лафчиски им се заблагодари на пензионираните припадници за нивната долгогодишна служба во Армијата и за фактот дека тие, „направија многу и го трасираа патот за следните генерации“. На припадниците и вработените во министерството и Армијата им ја честитал новата година и претстојните празници и посакал кохезијата во работата да продолжи и во 2025 година.
На средбата присуствувале и заменик-министерката за одбрана Елфет Исмаили, заменикот началник на Генералштабот, генерал-мајор Азим Нуредин, раководителите во министерството и началниците на секции во генералштабот.
