Во својата тренерска кариера Миљаниќ три пати беше селектор на СФРЈ (1965/66, 1973/74 и 1979/82), а од 1966 до 1974 година беше тренер на Црвена звезда. Ретко за овие простори, тој како тренер на Реал Мадрид во периодот од 1974 до 1977 година освои две шампионски титули и еден куп на Шпанија. Беше претседател и на Фудбалскиот сојуз на Југославија веднаш по распаѓањето на старата држава, од 1992 до 2001 година.
Тоа што го прави посебен за нас е фактот што е роден во Битола, каде што го мина раното детство, а подоцна се пресели во Србија каде што ја почна играчката кариера. Сепак, селекторската кариера е таа по која овој голем човек се памети.
