Популарниот СМС е под договор со Лацио до јуни 2024 година, преговорите за нова соработка тапкаат во место, па спортскиот директор на „бјанкочелестите“ Игли Таре ја отвори вратата за трансфер на Србинот.
Како што пренесува Газета дело Спорт, Милан го има поставено Сергеј Милинковиќ Савиќ при врвот на листата со желби.
„Росонерите“ сметаат дека можат да го ангажираат Србинот за 25-30 милиони, што е огромен попуст, Лацио до минатото лето бараше најмалку 100 милиони евра за услугите на Сергеј Милинковиќ Савиќ.
