петок, 21 јуни 2024

Мицотакис од северна Грција: Без почитување на Преспа „нивниот“ пат кон ЕУ ќе остане затворен

Грчкиот премиер Кирјакос Мицотакис денеска порача дека „нивниот“ пат до Европа ќе остане затворен, а меморандумите нема да се ратификуваат во Парламентот, доколку „од другата страна“ нема целосно почитување на Договорот од Преспа. Тој рече дека ветувањето го дава од градот Верија од „срцето на Македонија“.

Објавено на

часот

Сподели

Како што јави МИА од Атина, Мицотакис говорел пред граѓани во градот Верија, во северна Грција.

„Би сакал од овде, од срцето на Македонија да сум целосно јасен. Нова демократија не го гласаше Договорот од Преспа и изразивме сериозни приговори кога се ратификуваше во грчкиот Парламент. Но, рековме со апсолутна искреност, никогаш не ве измамив, дека штом се изгласа овој Договор, практично не може да се смени и ќе бидеме принудени, и покрај проблемите што ги има, да го почитуваме. И ова го сторивме. Ако некои веруваат дека може од нивна страна да не го почитуваат Договорот, да знаат две работи: прво нивниот пат кон Европа ќе остане затворен и второ, меморандумите што треба да ги ратификуваме, нема да се ратификуваат, сè додека нема апсолутното усогласување. Апсолутно усогласување од новата Влада согласно она што го предвидува Договорот“, рече Мицотакис.

ТОП ВЕСТИ

ПОСЛЕДНИ ВЕСТИ