„Посебна чест, за време на мојата еднодневна посета на Република Северна Македонија, ми оддаде премиерот Христијан Мицкоски, со кого на работен ручек разговарав за натамошното унапредување на нашите односи и зајакнувањето на соработка, за заедничка корист на српскиот и македонскиот народ“, напиша Дачиќ на својот Инстаграм профил, постирајќи фотографии од средбата.
Министерот за внатрешни работи Панче Тошковски денеска во Куманово беше домаќин на вицепремиерот и министер за внатрешни работи на Србија Ивица Дачиќ каде разговараа за продлабочување на соработката, намалување на метежот на граничните премини, справување со миграцијата, заеднички патроли и меѓусебна поддршка.
Дачиќ имаше средба и со градоначалникот на општина Куманово, Максим Димитриевски.