„Почитувани граѓани на Македонија, драги мои сограѓани, драги пријатели, измина уште една година зад нас. 2024 година беше година на предизвици, но и на нови почетоци. Народот ја одбра иднината и ни даде мандат за промени. Наследивме држава во тешка состојба, но со труд и јасен план постигнавме раст од 3 проценти, зголемување на пензии и плати, нови инвестиции и проекти за подобрување на животот. Отворивме фронт против криминалот и корупцијата и ја поставивме основата за стабилен развој“, вели меѓу другото Мицкоски.
Премиерот истакнува дека во 2025 година Владата ќе работи посветено и одгвоорно за поквалитетен живот на сите граѓани.
„2025 година ќе биде година на надеж, оптимизам, успеси и многу работа. Ќе работиме напорно и посветено, за да успееме да ја изградиме Македонија каква што сите вие, граѓаните, ја посакувате и каква што сите ние заедно ја залужуваме. Македонија која ќе биде повторно ваша. Среќна и успешна Нова година, исполнета со здравје, среќа и многу љубов. Бог да ја благослови Македонија и нејзините граѓани“, истакнува Мицкоски во новогодишното обраќање објавено на фејсбук.
