Лео Меси како и многу други фудбалери, доби понуда летово да се пресели во првенството на Саудиска Арабија. Се говореше за неверојатен предлог тежок помеѓу 400 и 500 милиони евра годишно, но Аргентинецот реши кариерата да ја продолжи во САД и да потпише со Интер Мајами.
Лео Меси сепак останува како едно од заштитните лица на Саудиска Арабија и Њујорк Тајсм открива дел од соработката за промовирање на земјата како туристичка дестинација.
Тригодишната соработка е вредна околу 25 милиони долари, Лео Меси добива пари за серија активности.
За семеен одмор од 5 дена во Саудиска Арабија, или два одмори од по три дена во годината, тој добива 2 милиони долари. Покриени се и патните трошоци како и сместување во ресорт од пет ѕвезди за Лео Меси и 20 роднини или пријатели.
Лео Меси добива 2 милиони долари за 10 пати да објави постови на своите социјални мрежи за убавините на Саудиска Арабија.
2 милиони долари добива и за учество во медиумските кампањи на Саудиска Арабија со кои се промовира туризмот.
Околу 2 милиони долари добива и за инволвираност во хуманитарна работа и појавување во јавност.
