Лидерот Тачи веќе разговарал со лидерот на ДУИ Али Ахмети за заеднички изборен настап во рамки на Европскиот фронт кој деновиве го промовираше Ахмети.
Тачи по состанокот изјави дека ДПА ќе има две победнички позиции на изборите, четврта и девета позиција во Изборната единица 6.
„Имав понуда за втора позиција, но има многу причини зошто не прифатив. Реков, нема проблем, како сакаш и тогаш дојде сигналот дека членството на ДПА нема да го сфатат сериозно коалицирањето. Така, ДПА ќе ја има и позицијата 9 во шестата изборна единица“, изјави Тачи.
„Коалицијата на Ахмети е реалност денес. Останатото се фрагменти од пропаднати партии кои се уште не ја покажале својата моќ во изборен процес“, рече лидерот на ДПА пред состанокот во изјава за Клан Македонија.
