петок, 14 јуни 2024

Мексико избра жена за претседател за прв пат во својата историја

Кандидатката на владејачката партија во Мексико, Клаудија Шејнбаум е победник на претседателските избори одржани вчера, покажуваат излезните анкети. Мексиканците вчера излегоа на историски избори каде се очекуваше за прв пат да изберат жена за претседател.

Фото: ЕПА

Објавено на

часот

Сподели

Шејнбаум (61) доби 57,8 отсто од гласовите, а нејзиниот најблизок противник, сенаторката од десниот центар Ксочитл Галвез, 29,1 отсто, покажа истражувањето на Институтот Енкол. На трето место е центристичкиот кандидат Алварез Мајнез со 11,4 отсто од гласовите, покажува истата анкета.

Шефот на владејачката партија Морена, Марио Делгадо, им рече на приврзаниците во Мексико Сити дека Шејнбаум победила со голема разлика. Шејнбаум, климатски научник и поранешен градоначалник на Мексико Сити, е долгогодишен сојузник на актуелниот левичарски популистички претседател Андрес Мануел Лопез Обрадор, кому не му беше дозволено повторно да се кандидира по шест години на функцијата.

Таа ги отфрли тврдењата на опозицијата дека ќе биде „марионета“ на Лопез Обрадор, иако вети дека ќе продолжи со многу од неговите политики, вклучително и оние кои им помагаат на најсиромашните Мексиканци.

Речиси 100 милиони Мексиканци имаа право на глас на изборите, кога гласаа и за градоначалник на главниот град, осум гувернерски позиции, двата дома на парламентот и голем број други регионални и локални функции.

Најголемите избори некогаш одржани во Мексико беа и најнасилните во модерната историја, со убиство на 38 кандидати. Насилството ја поттикна загриженоста за демократијата од завојуваните нарко-картели.

Вчера две лица беа убиени на избирачки места во државата Пуебла. Победата за Шејнбаум би била голем чекор за Мексико, земја позната по својата мачо култура. Победникот треба да го започне шестгодишниот мандат на 1 октомври.

ТОП ВЕСТИ

ПОСЛЕДНИ ВЕСТИ