Претседателот Обрадор истакна дека овој чин претставува флагрантно кршење на меѓународното право и на суверенитетот на Мексико, пренесува Асошиејтед прес.
Претседателот на Мексико на социјалната мрежа Икс напиша дека мексиканската влада ќе постапи според законот и веднаш ќе објави прекин на дипломатските односи со Еквадор.
Во петокот, еквадорската полиција насилно влезе во мексиканската амбасада во Кито и го приведе поранешниот потпретседател на Еквадор, Хорхе Глас, кој таму бараше политички азил.
Рацијата се случи неколку часа откако мексиканската влада му даде политички азил на Глас.
🚨 Breaking news 🇪🇨 | URGENT: Ecuador’s special forces invade the Mexican Embassy and have just captured fugitive from justice Jorge Glas, the most wanted man in that country. Something never seen before. Your Thoughts? #Ecuador pic.twitter.com/e234OJ45Hc
— Ace (@ThatUchihaGuy) April 6, 2024
Глас е можеби најбараниот човек во Еквадор и се соочува со истраги за корупција, според АП.
Претседателството на Еквадор во петокот вечерта објави дека Еквадор е суверена земја и нема да дозволи ниту еден криминалец да остане на слобода.
Тензиите меѓу двете земји ескалираа во четвртокот, откако претседателот на Мексико изјави дека го смета Еквадор за „многу несреќен“ поради неодамнешните избори на кои победи еквадорскиот претседател Даниел Нобоа.
Еквадорската влада како одговор на таа изјава го прогласи мексиканскиот амбасадор за персона нон грата.
