„Мексиканска Америка, колку тоа убаво звучи“, кажа Шајнбаум, покажувајќи карта од 1607 година која ја прикажува Северна Америка под тој назив. Претседателката, која во последните недели се расправа со Трамп, ја искористи конференцијата за медиуми за да зборува за историјата, со помош на стари мапи и поранешниот министер за култура Хозе Алфонсо Суарез дел Реал.
Wowww ‼️ Mexican President Claudia Sheinbaum responds to Trump on his proposal to change the name of the Gulf of Mexico — and points to a 17th century map of greater México.
“We are going to call it América Mexicana. It sounds pretty, no?”
— David Adler (@davidrkadler) January 8, 2025
„Факт е дека Мексиканска Америка е препознаена од 17 век како назив за целиот северен дел на американскиот континент“, кажа Суарез дел Реал, покажувајќи ја областа на карта. Што се однесува до Мексиканскиот залив, Суарез дел реал кажа дека името е меѓународно признато и користено како поморска навигациска референца со стотици години.
Трамп зборуваше за преименување на заливот кој се протега од Флорида до мексикански Канкун вчера на конференција за новинарите за време на која претстави експанзионистичка агенда, вклучувајќи ја можноста за воено преземање на Панамскиот канал и Гренланд.
