Со пресудата во мај е утврдено дека Мекдоналдс и сопственикот на франшизата се одговорни за изгорениците на детето. Поротниците ги прогласија за виновни затоа што не ставиле предупредувачки етикети на пакувањето.
Оваа недела поротата одлучи дека детето треба да добие 800.000 долари за претрпеното страдање. Семејството бараше отштета од 15 милиони долари.
„Секогаш кога имате работа со повредено дете, сакате повеќе во негово име“, рече адвокатот Џон Фишер, кој ги застапува Оливија и нејзините родители.
„Но, на крајот на краиштата, ние сме адвокати на судење, ја почитуваме пресудата на поротата. Тие ги слушнаа доказите, дојдоа до она што го сметаа за чесен и праведен резултат за ова дете и ние го почитуваме тоа“, рече тој.
Во 2019 година, Оливија Карабало, која тогаш имала четири години, била изгорена од мекнагет, стапче пржено пилешко од „Среќен оброк“ (Happy meal). Инцидентот се случил во Тамарак, гратче северно од Мајами. Во тужбата се вели дека бедрото на Оливија останало „унаказено и со лузни“.
Нејзините родители, Филана Холмс и Умберто Карабало Естевез, тврдеа дека Оливија добила изгореници од втор степен од „неразумно и опасно жешките“ нагети.
Тие ја тужеа корпорацијата Мекдоналдс и сопственикот на франшизата, Апчерч фудс. И Мекдоналдс и Апчерч негираа дека се виновни за случајот.
Во мај Мекдоналдс објави соопштение во кое се вели дека инцидентот е несреќен случај и дека не се согласува со пресудата.
