Во интервју за Волстрит џурнал, Трамп истакна дека го предупредил Путин дека ќе го нападне ако тргне на Украина. „Владимир, ако тргнеш на Украина, ќе те удрам толку силно што не можеш ни да замислиш. Ќе удрам во самиот центар на проклетата Москва“, му раскажа Трамп за својот разговор со Путин на новинар на весникот.
Набрзо стигна одговорот на портпаролот на Кремљ. Димитриј Песков рече дека Русија ќе заземе разумна позиција и нема да ја открие содржината на разговорите на високо ниво.
Потоа се огласи и Медведев.
„Трамп се занесе. Дали навистина зборуваше за „удар на проклетата Москва“? Секако дека не. Тој е генерално мазен како свила во преговорите. А на таквите зборови има само еден одговор: и вашиот проклет Вашингтон ќе биде погоден. Генерално, нашиот однос со него е прилично топол“, напиша Медведев на Икс.
