„Веќе не функционираат телата, нас не исклучија од централното претседателство, ги разрешија на владини функции, на локално ниво. Одат дури до мобинг таму каде што се вработени и со овој потег сакаат нестатурано и во ограноците да поставуваат послушни луѓе, вели Меџити во разговор за телевизија Алфа.
Меџити потврдува дека Ганиу добил закани од Муарем Хасани, кој е кандидат за претседател на огранокот на ДУИ во Бутел. Според него главен проблем е што надлежните не реагираат иако постои пријава за овој случај.
„Тоа што го кажа Ганиу, можам само да го потврдам и тоа е пријавено во МВР. Тоа што не делува ни јавниот обвинител, ни МВР, тоа значи дека правната држава не функционира или селективно функционира за потребите на тие што се на власт“, вели Меџити.
