Напаѓачот пукал рано утринава во својот татко, брат и други роднини поради семеен спор, изјави шефот на одделот за правда во провинцијата Керман, Ебрахим Хамиди, за иранската полуофицијална новинска агенција ИСНА.
Во извештајот, во кој не е идентификуван напаѓачот, се наведува дека користел „калашников“ при нападот.
Ловечките пушки се легални во Иран, а се вообичаени во руралните области на земјата, пренесува АП.
Во последните неколку години насилството се зголемува во Иран, поради влошената економска состојба.
Пред две години, вработен што беше отпуштен од државен финансиски конгломерат во рурална област во јужен Иран отвори оган на своето поранешно работно место, убивајќи три лица и рани пет други пред да се самоубие.
