Според досегашните информации, во нападите загинале три лица.
Во ракетниот напад на Кривји Рих загинаа две лица, оштетени се куќи, продавници и возила, изјави шефот на воената управа на Кривји Рих Јевхен Ситниченко, пренесува Укринформ.
Интерфакс Украина пренесува дека регионалните власти соопштиле дека во нападот на Запорожје едно лице загинало, а две се ранети.
Експлозии се слушнале и во регионот Хмелницки, а три хиперсонични ракети Кинжал биле истрелани врз западните региони, пренесува Униан.
Русија во ноќта меѓу неделата и понеделникот и во понеделник наутро изврши масовен напад врз Украина со проектили и дронови, при што истрела 127 проектили и 109 беспилотни летала.
Во тие напади загинаа седум лица, а 47 беа повредени.
Оштетени се објекти од енергетската инфраструктура.
