сабота, 25 мај 2024

Маск: На 8 август Тесла ќе претстави робот-такси

Американскиот производител на електрични возила Тесла планира на 8 август да го претстави долго ветениот робот-такси за самостојно возење, објави Илон Маск, шефот на компанијата. Маск не даде други детали во многу кратка објава на Икс, социјалната мрежа што ја поседува.

Епа

Објавено на

часот

Сподели

Според претходните изјави, автономното возило ќе биде засновано на нова техничка платформа која ќе го направи производството поефикасно и попрофитабилно.

Маск со години ветува дека Тесла ќе вози автономно и дека тоа радикално ќе ја промени вредноста на автомобилот и бизнис моделот.

Во моментов, таканаречената технологија на „автопилот“ на Тесла во електричните автомобили функционира како систем за помош на возачот кој бара човечка контрола и интервенција зад воланот.

Други компании веќе лансираа самоуправувачки такси, вклучително и подружницата на Гугл Вејмо. Маск инсистира на тоа дека самоуправувачкото такси на Тесла ќе користи само камери, а не поскапи ласерски радари, за да ја скенира околината на возилото.

Овој пристап на Тесла е контроверзен меѓу експертите.

Во минатото се случуваа несреќи откако камерите на Тесла беа заслепени од сонцето и возачите премногу се потпираа на технологијата.

ТОП ВЕСТИ

ПОСЛЕДНИ ВЕСТИ