Во објава на Икс, повикувајќи на мирно решавање на војната во Украина, Маск рече дека неговиот систем Старлинк е „столбот“ на украинската војска.
Старлинк, кој обезбедува интернет-конекција користејќи сателити на Спејсекс, е од клучно значење за украинските воени операции, а Маск тврди дека украинската линија на фронтот би пропаднала без неговата технологија.
„Буквално го предизвикав Путин на физичка пресметка еден на еден околу Украина, а мојот систем Старлинк е столбот на украинската војска. Целата нивна линија на фронтот ќе се урне ако ја исклучам“, напиша тој на Икс.
Полскиот министер за надворешни работи Шикорски одговори на тврдењата на Маск со објава на Икс, истакнувајќи дека полското Министерство за дигитализација плаќа околу 50 милиони долари за пристап на Украина до Старлинк, па Полска може да одлучи да ги насочи тие средства на друго место.
„На страна тоа колку е морално да ѝ се закануваш на жртва на агресија, ако Спејсекс се покаже како несигурен провајдер, ќе нѐ принуди да бараме други снабдувачи“, рече Шикорски.
Рубио веднаш застана во одбрана на Маск, обвинувајќи го Шикорски за фабрикување на фактите.
„Никој не се закануваше дека ќе ѝ го прекине Старлинк на Украина“, напиша Рубио, додавајќи: „И кажете благодарам бидејќи без Старлинк, Украина одамна ќе ја загубеше оваа војна, а Русите сега ќе беа на полската граница“.
Just making things up.
No one has made any threats about cutting Ukraine off from StarlinkAnd say thank you because
without Starlink Ukraine would have lost this war long ago and Russians would be on the border with Poland right now https://t.co/ImeiHFgaaw— Marco Rubio (@marcorubio) March 9, 2025
И Маск му одговори на Шикорски: „Нема замена за Старлинк“, а потоа додаде: „Молчи, мал човеку. Ти плаќаш само мал дел од трошоците“.
