Резултатот го отвори Халанд уште во третата минута од натпреварот со гол од пенал. Тоа беше негов 50. погодок во сите натпреварување за Норвежанецот во дресот на Манчестер Сити.
Фулам го изедначи резултатот во 15. минута од натпреварот со погодок на Карлос Винисиус, а Алварез со прекрасен погодок во 36. минута ја врати предноста на Сити. 1-2 беше и конечниот резултат.
Манчестер јунајтед со гол на Бруно Фернандеш во 39. минута дојде до победа од 1-0 над Астон Вила.
Њукасл со пресврт дојде до победа од 3-1 против Саутемптон. Вилсон постигна два гола за домашните, а еден беше автогол на Волкот.
Најубедлив денеска беше Борнмут кој со 4-1 беше подобар од Лидс.
