„Во СВР Тетово е пријавено дека патничко моторно возило смарт со тетовски регистарски ознаки управувано од малолетник од Челопек излетало од коловозот. Во несреќата, возачот и сопатникот во возилото, исто така, малолетник од Стримница се здобиле со тешки телесни повреди констатирани во тетовската Клиничка болница“, информира портпаролот на СВР Тетово, Марјан Јосифоски.
За два дена ова е втора сообраќајна незгода во која малолетници управувале возило и се повредени поради излетување. Во неделата околу 17:30 часот кај месноста Орман кај Доброште, малолетник беше повреден управувајќи четирицикл.
