Маркон вчера пристигна во Мајот, пет дена откако циклонот Чидо предизвика огромна штета. Илјадници луѓе сè уште немаат пристап до вода, а спасувачите продолжуваат со напорите за пронаоѓање на исчезнати лица. Макрон рече дека ја продолжил посетата во знак на почит.
Тој вети дека ќе испрати повеќе помош и додаде дека Франција го прогласи понеделник за национален ден на жалост. Француските власти објавија дека најмалку 31 лице загинало, но се очекува бројот на жртвите да биде многу поголем, а илјадници сè уште се водат за исчезнати. Голем дел од архипелагот сè уште е без електрична енергија.
The depth of Macron’s tone-deafness and condescension is genuinely staggering.
Here he is in Mayotte, a French overseas territory off the coast of Africa that just suffered an absolutely devastating cyclone, literally shouting at people complaining of their situation that they… pic.twitter.com/pNZoruKgzW
— Arnaud Bertrand (@RnaudBertrand) December 20, 2024
Официјалните лица велат дека снабдувањето со храна и вода се главен приоритет. Макрон изјави дека при посетата со себе донел четири тони храна и медицински материјали. Откако го обиколи регионот со хеликоптер за да го види пустошот, тој рече дека никогаш нема да го заборави вчерашниот ден.
Макрон најави реконструкција на уништената инфраструктура и домовите на островите. Луѓето му извикуваа „Макрон дади оставка“, „зборуваш глупости“ и „вода, вода, вода“ додека тој ги гледаше оштетените места. За време на неговата посета на болничкиот центар Мамуџу, една жена му рече: „Никој не се чувствува безбедно тука… луѓето се караат за вода“.
« #MacronDémission ! Macron démission ! Macron démission ! »
À #Mayotte l’accueil réservé à #Macron ne trompe pas : il doit partir !Regardez cette vidéo édifiante ! (⤵️)
L’idée déferle comme une vague partout en France : il doit démissionner !
La censure de #Bayrou le plus… pic.twitter.com/14LsTnSvlF— Florian Philippot (@f_philippot) December 20, 2024
„Помошта не стигна таму каде што живеам“, додаде друг маж. Сепак, има и такви кои се благодарни за посетата на Макрон и го поканија да остане подолго.
Територијата, која се наоѓа северно од Мадагаскар, е најсиромашниот дел на Франција. Страда од големи социјални и економски проблеми, вклучително и високи стапки на илегална имиграција од соседните Комори и слаб квалитет на домување и јавни услуги. Се верува дека мигрантите се меѓу најпогодените од циклонот.
Чидо – најлошата бура што го погодила архипелагот во последните 90 години – донесе ветрови со брзина од повеќе од 225 километри на час во саботата, срамнувајќи ги областите каде што луѓето живеат во бараки со лимени кровови.
