„Да се биде сојузник не значи да се биде вазал. Ако сме сојузник не значи дека повеќе немаме право да размислуваме со своја глава“, кажа тој на прес конференција во Амстердам. „Франција е за статус кво на Тајван, ја поддржува политиката на една Кина и бара мирно решение на ситуацијата“, додаде тој.
Таквата политика е константна, не е сменета, кажа францускиот претседател.
Макрон поттикна бран критики во САД и во Европа повикувајќи ја Европската Унија да „не ги копира“ Вашингтон и Пекинг во врска со тајванското прашање. Изјавите веднаш беа протолкувани како дистанцирање од Вашингтон.
Франција не е рамнодушна кон тензиите околу Тајван, истакна претходно денес француски дипломатски извор додека Кина одржува воени вежби околу одметнатиот остров.
