Чешка важеше за голем фаворит против Македонија, а разликата во класи се виде и на теренот. Чесите буквално нѐ прегазија.
Чешка доминираше во текот на целиот натпревар, ние во ниту еден сет не успеавме да дојдеме до 20 поени. Во првиот и последниот освоивме по 16, а во вториот 15.
Никола Ѓорѓиев беше најефикасен во македонската репрезентација со 14 поени, Стојан Илиев додаде шест, а Савовски четири.
Идниот викенд е вториот турнир за нашиот национален тим во Европската златна лига, во Беверен, на 24 мај играме со Азербејџан, а ден подоцна со Белгија.
