„Борбата за неговата слобода е борба за новинарството. Самостојниот синдикат на новинари и медиумски работници ја потврдува својата поддршка за Асанж кој е наш почесен член и се придружува кон апелите на Меѓународната федерација на новинари и Европската федерација на новинари за негово ослободување“.
52-годишниот Џулијан Асанж е основач на платформата Викиликс која објави тајни материјали од американските воени операции во Ирак и Авганистан.
Според обвинението на американското обвинителство со објавувањето на материјалите, не само што Асанж извршил шпионажа туку ги довел во опасност и животите на американските доушници.