Камионот удрил во детската соба каде во моментот се наоѓало 14-годишното девојче, објави Индекс. Според информациите се работи за 40-годишен возач кој е македонски државјанин.
Во болницата во Винковци потврдиле дека девојчето има полесна повреда во пределот на главата, поточно модринка и расекотина. Камионџијата има скршен нос, но сакал да ја напушти болницата по своја желба.
„Се разбудив, отидов да пијам кафе и наеднаш слушнав дека се скршило стаклото, се затресе и куќата, во миг помислив дека е земјотрес. Но жената доаѓа и вика: Итно доаѓај горе, покривот падна!“, изјави за RTL Марко Микшиќ, сопственик на куќата.
Камионот буквално влетал во куќата, го скршил ѕидот и влетал во детската соба, каде во тоа време се наоѓало 14-годишното девојче.
