Наградата за животно дело „Крсте Петков Мисирков“ ја добија новинарот Ристо Тасев од Струмица и фоторепортерот на МКД.мк Роберт Атанасовски.
Наградата за истражувачко новинарство ја поделија новинарите на „Код“, Истражувачката репортерска лабораторија (ИРЛ) и Ирена Мулачка од „Фокус“ за нивните стории за пожарот во дискотеката „Пулс“ во Кочани.
Новинарот Ардит Рамадани ја доби наградата за најдобра регионална/локална сторија во „Порталб“.
Здружението на новинари на Македонија додели и признанија на Владо Апостолов од БИРН, а наградата за известување на локално ниво ја доби новинарката Анета Блажевска.
На свеченоста, покрај бројните новинари, присуствуваше и претседателката на Македонија Гордана Сиљановска, амбасадори, претставници на политички партии, како и министри.
