„Нашите сограѓани денеска уште еднаш ги покажаа својата хуманост и солидарност, одзиваји се во толку голем број на акцијата за дарување крв. Драго ми е што и денес имавме повеќе крводарители што за првпат даруваат крв, пред сѐ млади дарители, што значи дека меѓу младите и тоа како е висока свеста за хуманост и продонес кон спасување нечиј живот“, рече Маја Илиевска, вршител на должноста секретар на ООН Црвен крст-Крива Паланка.
Првата акција во април се одржа на 11- ти, во Општина Ранковце, кадешто беа собрани 22 едници, што значи месецов се собрани 120, а од почетокот на 2025 на шест крводарителски акции во организација на ОО Црвен Крст Крива Паланка собрани се вкупно 403 единици крв.
