„Четири години бараме да се дислоцираат хаварисаните возила, да се исчисти сметот на паркиралиштата и да се реши состојбата со дивите продавачи. Општина Аеродром немаше никаква волја за решение. Денес, заради свеченото отворање, за еден час беа собрани сите хаварисани возила и беше исчистена околината,“ велат револтирани граѓани.
Тие обвинуваат дека со ваквиот однос Општина Аеродром го гази достоинството на жителите, а приоритет ѝ се „поединци и бизнис интереси, наместо граѓаните од кои добива легитимитет“.
Во Реонскиот центар во општина Аеродром денеска е поставен камен-темелник на нов малопродажен објект на германската компанија Лидл. Новиот објект на Лидл на парцела покрај булеварот „Видео Смилевски- Бато“ ќе се протега на површина од 3.438 метри квадратни со модерен продажен самол од 1.200 метри квадратни и 57 паркинг места.
