УХМР регистрира зголемен водостој и на Треска кај Македонски Брод, Пчиња кај Пелинце и Катлановска Бања, Бабуна кај Богомила, Брегалница кај Берово и Штип, Црна Река кај Новаци …
Нивото на Дојранското Езеро е 55 сантиметри под договорениот минимум.
Нивото на водата во Охридското Езеро според денешните мерења спроведени од Управата за хидрометеоролошки работи се наоѓа на котата 693,26 метри надморска височина. Водостојот денеска е 31 сантиметар под просекот за април или 16 сантиметри над дозволениот минумум.
Деновиве во регионот временските прилики се променливи со врнежни од дожд, што ќе придонесе за подобрување на водостојот во езерото. Дождот изминатите денови придонесе нивото на езерото да се подигне за седум сантиметри, но сепак тоа е далеку пониско од просекот за овој период од годината.
На почетокот на декември минатата година нивото на водата во езерото беше два сантиметри под минимално дозволената кота утврдена на 693,10 метри.
Промените во водостојот на езерото најмногу се манифестираат во крајбрежниот појас, што според експертите е најважниот дел од езерскиот екосистем.
Според УХМР, во Крушево наврнал воден талог од 36 литри на квадратен метар изминатите 24 часа, до седум часот.
Триесет и два литри на квадратен метар во Маврови Анови, 29 л. на Попова Шапка, 21 л. – Демир Капија, 14 л. – Тетово, Пожаране, Гевгелија, Кавадарци, 13 л. – Битола, Велес, 12 л. – Пожар-Радовиш, 11 л. – Тополчани, 10 л. – Скопје-Петровец, 9 л. – Прилеп, Штип, 6 л. – Скопје-Зајчев Рид, Берово, Лазарополе, 5 л. – Претор, Струмица, Куманово, 3 л. – Виница, 2 л. – Крива Паланка, покажуваат податоците на УХМР.
Дожд се очекува и во текот на денов, проследен со слаб до умерен северен ветер. Дневната температура, според најавата, ќе биде во интервал од 11 до 18 степени Целзиусови.
Во Скопје ќе биде претежно облачно со повремен дожд. Ќе дува слаб до умерен ветер од северен правец. Дневната температура ќе достигне до 15 степени Целзиусови.
