Македонското здружение Илинден бара интервенција од албанските и европските институции за заштита на положбата и правата на припадниците на македонската заедница во Албанија.
„Најостро ги осудуваме обидите на Софија за злоупотреба на здравјето на Македонците во областа Мала Преспа. Бугарски лекари извршија бесплатни прегледи во државната амбуланта во Пустец, каде што го поставиле бугарското државно знаме за време на медицинските прегледи, без присуство на македонското или албанското државно знаме. Кампањата за бесплатни прегледи се користи како начин за вршење притисок врз Македонците да се изјаснат како Бугари, кршејќи го правниот и културниот кодекс на македонската заедница.
Жалиме што албанските институции на власта дозволуваат вакво грубо мешање на Бугарија во внатрешните работи на Албанија со кршење на правата и слободите на Македонците“, се вели во реакцијата на Илинден.
Светскиот македонски конгрес смета дека институциите на власта на Албанија се должни да ја оневозможат секоја злоупотреба на странска држава која има за цел Македонците во Албанија да ги претставува за Бугари.
