Во тек е јавната набавка и изборот на економски оператор кој ќе го реализира овој проект. Плоштадот ќе биде збогатен и со три светлечки подароци високи до 4 метри, метална рамка Дедо Мраз висока 5 метри, алуминиумски 3Д ѕвезди од 3 и 4 метри. „ѕвездено небо“ од ЛЕД мразулци на површина од најмалку 800 м²…
Со светлосни фигури, висечки елементи, снежни капки… ќе бидат украсени улиците „Даме Груев“, „Димитрија Чуповски“, „11 Октомври“, „Филип Втори“, „Гоце Делчев“, пред Владата, „Партизански одреди“…
Градоначалникот на копје Орце Ѓорѓиевски вели дека во буџетот за 2025 година првично не биле испланирани средства затоа што поранешната градоначалничка Данела Арсовска не распишувала тендери за украсување.
„Сметам дека 70.000 евра не се премногу и дека Скопје заслужува убава и достоинствена прослава“, изјави Ѓорѓиевски.
