„И покрај континуираната работа и максималните напори на екипите на ЈКП Шар, не успеавме целосно да го завршиме санирањето на дефектот на старата водоводна линија Ф400. За да ја довршиме интервенцијата и да обезбедиме целосно и сигурно функционирање на системот, принудени сме да извршиме нов привремен прекин на водоснабдувањето. Овој прекин ќе се изврши во целиот град Тетово, од 9 до 12 часот“, соопшти ЈКП Шар Тетово.
Од таму наведуваат дека се свесни за тешкотиите со кои се соочуваат граѓаните на високи температури, но уверуваат дека оваа мерка е навистина неопходна за да се обезбеди стабилно водоснабдување, барајќи извинување од граѓаните за тешкотиите без вода на високи температури.
Во понеделникот, 11 август, ЈП Шар го почна процесот на поврзување на новоизградената водоводната мрежа со која се носи вода до 3.000 домаќинства во населбата позната како „146“.
