Регионалниот центар за управување со кризи (РЦУК), повикувајќи се на информација од ЕВН Македонија, соопшти дека од 8 до 11 часот без струја ќе бидат корисниците од улица Павле Божинов во општина Гази Баба, од 8 до 12 часот корисниците улица 28 и улица 30 од село Белимбегово во општина Илинден, а од 8 до 13 часот корисниците улица Мирче Оровчанец во општина Центар.
Во периодот од 8 до 13 часот струја ќе немаат и корисниците од дел од улицата Петар Манџуков во општина Бутел,а од 8:30 до 11 часот корисниците улица Индира Ганди 31 во општина Шуто Оризари.
Од 9 до 12 часот без струја ќе биде Амбулантата во Ѓорче Петров и околните корисници, а од 9 до 13 часот корисниците од Жито Алтан, дел од Дрма, Живинарска фарма во општина Гази Баба. Од 9 до 15 часот пак без струја ќе бидат корисниците од дел од село Глуво во општина Чучер Сандево.
