Жители на Струга кои се јавија во редакцијата на МКД.мк револтирано прашуваат зошто градоначалникот Рамиз Мерко не реагира за да се заштити општинското добро кое има и историско значење и е заштитено со закон.
МКД.мк денеска речи си цело претпладне се обидуваше да стапи во контакт со градоначалникот Мерко, но неговиот телефон остана недостапен. Не одговараа ниту од Општината каде сакавме да земеме изјава од градежниот инспектор за да каже дали било пријавено уривањето на старата струшка куќа и дали инспектори излегле на терен.
Од СВР Охрид потврдија дека биле повикани на лице место.
„Увидот сѐ уште трае. По завршување ќе знаеме за што точно се работи и дали можеби има елементи накривично дело“, изјави портпаролот на СВР Охрид, Стефан Димоски.
Граѓанскиот активист Никола Кукунеш објави видео на кое се гледаат последиците од уривањето на старата струшка куќа која е во сосптвеност на Општината, а е заштитена со закон.
„Си заминува Струга таква каква што ја знаеме“, напиша Кукунеш на својот фејсбук профил.
На увид на лице место излегле и од Заводот и музеј Охрид.
Искра Опетческа
